迷失人生的迴轉點：重新尋找幸福與方向的旅程

 

我哋之前以為只有年輕人會迷失，受到媒體的影響，認為30歲的人生應該已經穩定下來，自己應該會更從容不迫。但真係咁嗎？

 

十多歲嗰陣，為咗公開試迷失，如果公開試成績唔好又點算？係咪應該早啲出社會工作，定係讀副學士？

 

即使公開試成績唔錯，又思考大學應該選自己有興趣嘅科目，定係要向現實低頭？最後，你揀擇咗向現實低頭。

 

大學時，你都思考畢業後應該點樣？係咪真係要做本科嘅工作？但如果揀錯路要重新嚟過，又會浪費好多時間。

 

終於大學畢業，同同學一齊搵工。原來搵工一點都唔容易，要interviewer俾你一個機會，要別人欣賞你，而且肯俾你一份工嘅機會率都出奇地低。

 

踏入社會第一步，前路充滿荊棘。

 

幸好，有間公司聘請你，然後就開始做上班族嘅生涯。每日朝九晚五，唔定時加班，有時加班到凌晨都算係正常。

 

每朝起身，刷牙洗面，搭車返工，做工，食午餐，繼續做工，食晚飯，加班，放工，洗澡，再訓覺，然後就重複昨天嘅生活。

 

大學畢業嗰年，你都有夢想，希望喺呢度闖出一片天，但畢業才兩年，大家都變咗，夢想，你一早已經冇咗。

 

每日機械咁做工，只求工作穩定，老闆準時發薪水，即使加班，希望公司可憐你，畀多啲加班費你。

 

做工六年，終於升到經理嘅位，成為自己最唔想成為嘅人。你開始多批評下屬，多過讚賞佢哋，或者批評佢哋唔夠堅強，或者講下以前嘅事，「以為我比而家嘅下屬聰明又勤力。」，再感嘆一代不如一代。

 

呢六年嘅變化，將你由一個年輕有活力嘅人，變成一個老套嘅人。我哋開始用公司嘅思維去思考，辦事能力確實提高唔少，當然薪水都加咗。

 

你有啲積蓄，搬出屋企，租咗一個單位，有自己一個小小空間。感情上，你同拍拖數年嘅伴侶，大家都以為咗事業嘅發展而忽略咗彼此。你哋開始冷淡起嚟，溝通變得少咗，漸漸失去彼此嘅了解同支持。

 

當你32歲嘅時候，你突然意識到自己可能喺生活中迷失咗。你問自己，「我而家係咪真係快樂？」你回想起過去嘅日子，發現自己好似只係一味追求事業同金錢，卻忽略咗自己嘅內心需要同家庭關係。

 

你開始思考返自己嘅夢想同價值觀，問返自己，「我真係想喺呢份工作度度過餘生嗎？」

 

你開始尋找答案，透過閱讀、尋求心理輔導、與朋友分享，你慢慢開始重新認識自己同定位自己嘅價值。

 

你開始探索新嘅興趣同嘗試新嘅活動，例如運動、藝術、旅行等。你發現呢啲活動可以幫助你放鬆心情同尋找內心嘅平衡。

 

同時，你亦重新評估咗自己嘅工作情況。你思考返自己嘅長期目標同職業發展，並開始尋求更具有意義同滿足感嘅工作機會。

 

可能你會考慮轉行，從事你真正熱愛嘅領域，或者尋求一個嘅工作環境同文化，可以更好地與你嘅價值觀相符合。

 

重要嘅係，你開始學會設定優先次序同平衡生活。你明白到事業唔係一切，而家你更加著重於家庭、健康同自我實現。

 

迷失係一個正常嘅過程，好多人都會經歷呢個階段。重要嘅係要向前看，接受自己迷失嘅事實，同時努力尋找自己真正嘅方向同幸福。

 

不斷探索同成長係人生嘅一個重要部份，唔使急於找到答案，俾自己時間同空間去尋找真正嘅意義同目標。

 

記住，你唔係一個人喺呢個迷失嘅旅程中。同家人、朋友同專業人士分享你嘅感受，尋找支持同指引，可以幫助你擺脫迷失，重新找到屬於自己嘅道路。